Musèu dera Val d'Aran Vièlha - Vilamòs - Arties Conselh Generau d'Aran [en occitan aranés] [en català] [en castellano] [en français] [in English] Informacions e reservas : Musèu dera Val d'Aran. |
Eth musèu dera Val d'Aran siguec creat er an 1983, damb er objectiu de dotar ara comunautat aranesa tamb un organisma que trabalhèsse ena recerca, conservacion e difusion deth sòn patrimòni naturau e culturau.
Eth projècte deth musèu s'inspire ena filosofia e en modèl des musèus coneishudi tamb eth nom d'ecomusèus. Ei per aquerò qu'aguest projècte prepause era creacion ena Val d'Aran d'un hilat d'endrets d'interés patrimoniau.
Actuaument, eth musèu dispòse de tres equipaments dubèrts ath public : era tor deth generau Martinhon a Vielha, era casa Joanchiquet en Vilamòs e era glèisa de Sant Joan en Arties.
Era tor deth generau Martinhon ei ua casa senhoriau deth segle XVII plaçada en cap dera vila de Vielha. Des de 1984 aquest monument alòtge era sedença centrau deth musèu dera Val d'Aran.
Enes sues tres planes se i a plaçat ua exposicion permanenta e diuèrsi equipament que s'an de besonh entath bon fonccionament deth musèu (magasèm, talhèr de restauracion, airau administratiu e centre de documentacion).
Era exposicion permanenta presente ua sintèsi dera istòria dera Val d'Aran, des dera preistòria as nòsti dies. En era se i pòt veir ua interessanta colleccion d'objèctes arqueologics, artistics e etnografics.
Casa Joanchiquet -Vilamòs
Era casa Joanchiquet ei plaçada en carrèr major deth pòble de Vilamòs, un des pòbles aranesi que milhor an conservat era sua fesomia arquitectoca e urbanistica tradicionau.
Coma plan d'autes cases qu'en Aran receben eth nòm de " còto " o " auviatge ", era casa ei compausada per diuèrses bastisses des segles XVIII e XIX, que s'estructuren ath torn d'un corrau.
Ena restauracion dera casa s'a procurat conservar eth mobiliari e era atmosfèra qu'aguesta auie pendent es prumères annades deth segle XX.
Glèisa de Sant Joan - Arties
Era glèisa de Sant Joan d'Arties ei un des exemples mès ben conservadi dera arquitectura gotica dera Val d'Aran.
Barrada ath culte pendent era Guerra civil de 1936-1939, aguesta importanta bastissa patic pendent fòrça ans un grèu procès d'abandon e degradacion.
Damb era constitucion deth musèu dera Val d'Aran, er an 1983, era glèisa passarie a formar part des sòns equipaments, e cinc ans mès tard serie dubèrta ath public coma sala d'actes e d'exposicions temporaus deth musèu.
Oraris
Tor deth generau Martinhon (Vielha)
Deth 16 de seteme ath 14 de junhsèga :
Deth 15 de junhsèga ath 15 de seteme:
Deluns e dies hestèrs : barrat.
Glèisa de Sant Joan (Arties)
Dubèrta ath public sonque quan i a exposicions temporaus (consultar programmacion especifica).
Casa Joanchiquet (Vilamòs)
Deth 15 e junh ath 15 de seteme :
Dubèrt toti es dies, de 11 a 14 ores e de 16 a 19 ores.
Deth 16 de seteme ath 14 de junh :
Sonque visites de grop concertades telefonicament ( Esp.+ 973-641815)
© Musèu dera
Val d'Aran
realisat per OccitaNet