Aué auem enterrat ath darrèr music aranés, digui eth darrèr perquè Juanito Pujol, ère damb Cisco de Vilac, des darrèri musics neishudi ena postguèrra. Ei difícil de saber guaires ores auem passat amassa damb er acordeon, compartint melodies. Damb es Corbilhuèrs, en Bramatopin des sòns inicis.
Rebrembi es prumères nòtes, ath cant deth huec en Bausen, profitant es vrespades, damb un diatonic gessut deth shon d'un armari... Tota ua vida dedicada vocacionaument ara musica. Ua vida farcida d'anecdòtes e d'aventures ath torn des peripècies der acordeon. Misses de mieja net, dances, nòces, tabòles, e tot aquerò que pòt innondar era musica senzilha deth pòble. Era musica entenuda com un present tà compartir. Era musica hèta damb "eth suflet dera felicitat", aqueth que bohe es nòtes des deth vrentre, sense pensar-les, damb eth còr... Gràcies Juanito per tanti sons e per tanti boni moments!
0 comentarios:
Publica un comentari