Aguest lòc wèb ei era wèb oficiau deth Parlament de Catalonha, eth quau ei eth titular deth domeni www.parlament.cat. Eth Parlament de Catalonha pòt èster titular d'auti nòms de domeni vinculadi o non ad aguest lòc wèb.

Aguest lòc wèb e toti es sòns contenguts, en tot includir-i es tèxtes, es imatges, eth son e quinsevolhe aute materiau, son proprietat deth Parlament de Catalonha, damb eth NIF S0833001A, e damb sedença en parc dera Ciutadella, s/n, de Barcelona, CP 08003, o de tresaus persones qu'an autorizat eth Parlament entà usar aguesti contenguts.

Era informacion que conten aguest lòc wèb i a estat includit damb era finaliat que sigue facilaments disponibla entà un usatge personau o public de caractèr non comerciau. Non ei permetuda era modificacion dera wèb ne des sòns contenguts.

Er usatge personau o public non comerciau signifique qu'era informacion que conten aguest lòc wèb pòt èster copiada o manada, totauments o en part, sense besonh d'obtier un permís especiau deth Parlament de Catalonha ne de pagar cap prètz. Maugrat açò, aguesta utilizacion rèste limitada as condicions seguentes:

- qu'era persona usatgèra se hè responsabla d'auer compde e era dilligéncia rasonabla damb era finalitat d'assegurar-se era exactitud des documents copiadi.

- que s'identifique era wèb oficiau deth Parlament de Catalonha coma hònt dera informacion.

- qu'era còpia non sigue presentada coma ua version oficiau des documents copiadi ne coma ua còpia hèta per miei d'un acòrd de sindicacion de contenguts damb eth Parlament de Catalonha, ne damb era collaboracion o er aval deth Parlament de Catalonha.

Bèri documents e elements grafics que conten aguest lòc wèb son objècte deth dret d'autor de tresaus persones. En aguesti casi se pòden aplicar cèrtes restriccions en çò que hè ara reproduccion des documents o elements afectadi e pòt caler obtier eth permís dera persona titulara deth dret d'autor abans de hèr-ne còpia.

Era informacion facilitada per miei d'aguesta wèb non substituís era publicitat legau des leis e es auti tèxtes qu'agen d'èster publicadi formauments en Butlletí Oficial del Parlament de Catalunya, en Diari Oficial de la Generalitat de Catalunya o es auti jornaus oficiaus, que son er unic esturment que da fe dera autenticitat e deth contengut.

Eth Parlament de Catalonha, en moment d'establir ligasons damb sistèmes extèrns, les a verificat e non a coneishença qu'era activitat o qu'era informacion que se li remet poguen èster illicites o que grèugen bens o drets de tresaus persones susceptibles d'indemnizacion. Maugrat açò, eth Parlament de Catalonha non ei responsable dera informacion que se pòt obtier per miei d'aguestes ligasons.

Eth Parlament de Catalonha manten politiques de seguretat entà assegurar eth bon foncionament dera wèb. Maugrat açò, non garantís qu'era wèb e eth servidor siguen liures de virus e non se hè responsable des damnatges causadi per accès ara wèb o peth hèt impossible d'accedir-i.

Eth Parlament de Catalonha declare qu'er usatge de galetes (cookies o fichèrs damb informacion sus es abits, es preferéncies e eth comportament des internautes que visiten ua pagina wèb, qu'eth servidor li envie ath disc dur deth sòn ordenador mejançant eth navegador) o d'auti mieis de naturalesa analòga, a coma objectiu exclusivaments era adaptacion deth servici aufrit pera wèb ara demana des usatgèrs e que non s'utilize entà determinar coma es visitants deth lòc l'utilizen ne quini lòcs an visitat anterioraments. Er usatgèr o usatgèra tostemp pòt, s'ac a cre convenent, activar es opcions deth sòn navegador entà refusar era installacion de galetes.

Aguest lòc wèb non obten automaticaments donades personaus des usatgèrs coma eth nòm, eth numerò de telefòn o era adreça electronica. Aguesti tipes de donades sonque s'obtien s'es usatgèrs les envien volontariaments mejançant un corrèu electronic o en tot utilizar bèth un des formularis qu'incorpòre era wèb. Eth Parlament de Catalonha se compromet a tractar aguestes donades cossent damb era legislacion sus emparament de donades personaus e sus es servicis dera societat dera informacion, e non les pòt utilizar entà emmagazinar informacion que permete identificar era persona fisica usatgèra dera wèb, ne tanpòc entà aufrir servicis non demanadi.

Sus es corrèus electronics tramesi dempús deth domeni parlament.cat

Eth corrèu electronic qu'auetz arrecebut e, se cau, tot fichèr que pòrte annèx van destinadi ara persona o persones a qui s'adrecen. En cas qu'ajatz arrecebut aguest corrèu per error vos pregam que, abans d'eliminar-lo, ac notifiquetz immediataments en tot reenviar-lo ara adreça electronica dera persona remitenta.

En quinsevolhe cas, s'auetz arrecebut aguest corrèu per error, non auetz autorizacion entà hèr cap aute usatge dera informacion contenguda en còrs deth corrèu electronic o enes fichèrs que pòrte annèxi.

S'auetz arrecebut eth corrèu electronic pr'amor d'auer-vos soscrit ath servici d'enviament automatic de titulars de notícies e d'aute continguts d'actualizacion frequenta deth web deth Parlament de Catalonha o deth bulletin informatiu sus era actualitat parlamentària, podetz hèr un usatge personau o public non comerciau dera informacion qu'arrecebetz enes madeishes condicions que son establides en avís legau entara informacion publicada en web deth Parlament, causa que signifique que, damb caractèr generau, era dita informacion pòt èster divulgada, copiada o remetuda, totauments o en part, sense besonh d'obtier un permís especiau deth Parlament de Catalonha ne de pagar-ne cap prètz.

S'eth corrèu electronic qu'auetz arrecebut ei ua responsa a ua consulta hèta en marc deth servici d'atencion de consultes des ciutadans, vos cau auer present que, en principi, era responsa a estat premanida pr'amor que ne hètz exclusivaments un usatge personau e que sonque se'n pòt hèr divulgacion publica se se reprodusissen literalaments e de manèra conjunta tant era consulta sometuda coma era responsa arrecebuda. Ena responsa que se vos envie pòden exprimir-s'i condicions mès restrictives per çò qu'ei der usatge dera informacion que se vos remane, quines condicions prevalen en toti es casi.

Lheuat des excepcions indicades, e damb caractèr generau, es corrèus electronics emetudi dempús deth domeni parlament.cat, includidi es fichèrs que poguen portar annèxi, son confidenciaus e era informacion que contien ei proprietat deth Parlament de Catalonha. Se'n proïbís era divulgacion, era còpia o era distribucion a tresaus persones sense era autorizacion prealabla per escrit deth Parlament. Maugrat açò, non ei confidenciau cap informacion que reprodusisque un acte public deth Parlament o documentacion publicada en Butlletí Oficial del Parlament de Catalunya, en Diari de Sessions del Parlament de Catalunya o en web oficiau deth Parlament de Catalonha, e per çò qu'ei d'aguest, enes condicions d'usatge establides en avís legau. Es directòris d'adreces de corrèu electronic que conten eth web deth Parlament non son cap des hònts d'accès public regulades pera Lei organica 15/1999, deth 13 de deseme, d'emparament de donades de caractèr personau, e, en conseqüéncia, aguestes donades non se pòden reprodusir, transméter ne enregistrar per cap sistèma de recuperacion d'informacion, ne totauments ne en part, sense eth consentiment des persones interessades.

En corrèu electronic qu'arrecebetz pòden exprimir-s'i autes condicions per çò qu'ei der usatge dera informacion que se vos remane, quines condicions prevalen en toti es casi.

Entà quinsevolhe dobte que sigue o suggestion en çò que hè ad aguest lòc wèb vos podetz adreçar a: