Eth Conselh Generau d'Aran daurís er accés ara Artiga de Lin e seguís damb es trabalhs de limpiesa en d'auti accèssi e camins afectadi pera nhèu.

Mès de 25 persones participèren de manèra activa en "Dialòg ciutadan sus eth futur d'Euròpa" establit damb motiu dera inauguracion dera exposicion "#dretscompartits" que serà ena glèisa de Sant Joan d'Arties enquiath pròplèu dia 16 de junh e que compdèc, coma ponents a Ferran Tarradellas, director dera representacion en Catalunya dera Comission Europèa, Carles Dalmau, sindic municipau de Greugues de Sant Boi, Jep de Montoya, cap de Cultura e Patrimòni deth Conselh Generau d'Aran, e Luis Carlos Medina, vicesíndic deth Conselh Generau d'Aran.

Dempús deth desgèu e es afectacions produsides pera nhèu ath long der iuèrn passat ena montanha, eth Conselh Generau d’Aran limpie, pendent tota aguesta setmana e era passada, eth laueg de granes dimensions qu’afècte ara Artiga de Lin.

Ena sedença deth Conselh Generau d’Aran se mostrèren dus libres d’actes der Ajuntament de Vielha e un de capitols d’Arròs e Vila que recentaments an estat restauradi, sus es sègles XVII, XVIII e XIX.

Der 1 ath 6 de junhsèga, era Federacion Catalana d'Espòrts d'Iuèrn, realize un cors de Short Track, patinatge de velocitat en pista cuerta, en Palai de Gèu de Vielha.

Era Val d’Aran acuelhec eth Campionat de Catalunya de descens, organizat per Monpol Sports e Aran Bike Parks ena localitat de Gausac, exactaments en magnific paratge de Plan Batalhèr, plaçat en bòsc de Varicauva.

Era ploja e era hanga sigueren uns des grani protagonistes tant enes entrenaments coma ena pròva cronometrada, mès era emocion deth descens combinat damb es cambiaments en traçat a causa des precipitacions ahigeren un punt de dificultat ena pròva que fòrça riders les calec solucionar damb petites e improvisades apariaments e cambiaments de pneumatics.