Vielha, 19/07/2011

Airaus

Cultura e Politica Lingüistica
Centre de Preccion de Lauegi dera Val d'Aran
Departament de Miei Ambient e Pagesia

Multimèdia

Eth prumèr canal de television per internet en aranés
Eth prumèr canal de television per internet en aranés
 
 
Eth prumèr canal de television per internet en aranés
Espaci audiovisuau e informatiu deth Conselh Generau d’Aran

 

Anoncis

Anoncis

Edictes

PROÒM DERA VAL D'ARAN

Servicis






Oficina comarcal d'administració electrónica

 

Formulari d'accès






¿Recuperar clau?

Sindicacion

Eth Sindic d’Aran s’amasse damb era Vicepresidenta deth Govèrn dera Generalitat de Catalunya
Diuendres, 15 de Junhsèga de 2011

 

Eth Sindic d’Aran, Carlos Barrera e eth conselhèr d’Administracions Publiques, Luis Carlos Medina s’amassèren eth passat dia 13 de junhsèga damb era Vicepresidenta deth Govèrn dera Generalitat de Catalunya, Joana Ortega, ena sedença deth Departament de Governacion en Barcelona.

 

Ena amassada “de trebalh e non sonque protocòllaria” manifestèc Joana Ortega, se tractèren diuèrsi ahèrs referents a Aran.
 
Eth finançament deth Conselh Generau d’Aran siguec er eish principau dera amassada. Eth Govèrn dera Generalitat, se comprometec a hèr efectiu pendent aguest an 2011 eth deute pendent corresponent ath finançament des competéncies transferides e es politiques pròpies der exercici 2010, que supausen lèu 4 milions d’èuros.
 
Atau madeish, Joana Ortega se comprometec a abonar eth deute previst entad aguest exercici 2011 que se fixe en 4 milions d’èuros mès, entre era fin d’aguest an e er an 2012.
 
Segontes paraules de Carlos Barrera “era volentat deth Govèrn dera Generalitat damb eth Conselh Generau de solucionar aguest grèu problèma de finançament mòstre ua auta manèra d’enténer es relacions entre anbdús Govèrns”.
 

 
Liéger mès...
 
Presentacion dera programacion deth 7au Festivau d’Ostiu dera Val d’Aran
Dijaus, 14 de Junhsèga de 2011

 

Agèr, dia 13 de junhsèga, se presentèc era programacion deth 7au Festivau d’Ostiu dera Val d’Aran qu’organizen eth Conselh Generau d’Aran e era associacion Aran Teatre- Cine Fòrum damb era collaboracion de Torisme Val d’Aran e er Ajuntament de Bossòst.
 
Ara presentacion assistiren era conselhèra de Torisme, Comèrç e Consum, Anna Díaz, eth cap de Cultura e Patrimòni, Jèp Montoya, eth tinent alcalde der Ajuntament de Bossòst, Amador Marqués, e eth representant d’Aran Teatre- Cine Fòrum, José Ramón Puyol.
 
Er objectiu d’aguest Festivau ei eth de ”garantir er accés ara cultura de qualitat pendent es mèsi d’ostiu ara gent deth país e ara gent que mos visite” remerquèc Anna Díaz, conselhèra de Torisme, Comèrç e Consum.

 
Liéger mès...
 
Eth Conselh Generau d’Aran da compde dera sua estructura organizativa
Dimèrcles, 13 de Junhsèga de 2011

 

Era naua estructura organizativa deth Conselh Generau d’Aran s’a presentat aué ath Plen deth Conselh Generau d’Aran amassat ena Casa deth Senhor d’Arròs, sedença institucionau deth Conselh damb caractèr extraordinari.

Eth Conselh Generau d’Aran entara legislatura 2011-2015 s’estructurarà dera seguenta forma:

- Departament de Governacion que comprén: Governacion e Relacions damb es Ajuntaments e Entitats Municipaus Descentralizades, a cargue deth conselhèr Mgfc. Sr. Francesc Medan Juanmartí.

 

- Departament d’Empresa e Trebalh que comprén: Promocion Economica, Aucupacion e Empresa a cargue deth conselhèr Mgfc. Sr. Eduardo Valdecantos Dedieu.

 

- Departament de Torisme, Comèrç e Consum que comprén: Torisme, Comèrç, Consum, Indústria, Artesania, Agroalimentacion e Transpòrt, a cargue dera conselhèra Mgfca. Sra. Anna Díaz Morelló.

 

- Departament de Territòri que comprén: Politica Territoriau, Tractament de Residus, Lauègi a cargue deth conselhèr Mgfc. Sr. Eduardo Valdecantos Dedieu.

- Departament d’Administracion Publica, Finances e Coneishement que comprén: Economia e Finances, Administracion Publica e Pressupòsti, Formacion, ETEVA e Coneishement a cargue deth conselhèr Mgfc. Sr. Luis Carlos Medina Modroño.

- Departament de Naues Tecnologies e Innovacion que comprén: Naues Tecnologies, Innovacion e Societat dera Informacion, a cargue deth conselhèr Mgfc. Sr. Marcos Viló Domínguez.

- Departament d’Agricultura, Ramaderia e Medi Naturau que comprén: Agricultura, Ramaderia, Medi Naturau, Caça e Pesca, Gestion Forestau, Sanejament d’Aigües e Òbres e servicis, a cargue deth conselhèr Mgfc. Sr. Jose Enrique Arró Cuny.

- Departament de Cultura e Lengua que comprén: Ensenhament, Politica Lingüistica, Patrimòni Culturau, Archius, Musèus e Promocion culturau, a cargue deth sindic d’Aran Mgfc. Sr. Carlos Barrera Sánchez.

- Departament de Salut e Benéster que comprén: Salut, Servicis Sociaus, (gent grana, familia, infància, adolescéncia, supòrt as discapacitats), a cargue deth sindic d’Aran, Mgfc. Sr. Carlos Barrera Sánchez, compartida damb eth conselhèr Mgfc. Conselhèr Eduardo Valdecantos Dedieu.

 

- Departament d’Escandiment de Huecs e Emergéncies que comprén: Escandiment de Huecs, Emergéncies a cargue deth sindic d’Aran Mgfc. Sr. Carlos Barrera Sánchez.

 

- Departament d’Espòrts e Joenessa que comprén: Espòrts e Joenessa, a cargue deth conselhèr Mgfc. Sr. Marcos Viló Domínguez, compartida damb eth conselhèr Mgfc. Sr. Luis Carlos Medina Modroño.
Liéger mès...
 
Era prumèra Via Ferrata dera Val d’Aran se daurirà ath public era prumèra setmana d’agost
Deluns, 11 de Junhsèga de 2011

 

 

Era Via Ferrata ei ubicada ath costat deth pòble de Les, “eth recorregut serà esportiu, fòrça tecnic e tant peth sòn traçat coma pera sua ubicacion serà fòrça espectacular” a manifestat eth Sindic d’Aran, Carlos Barrera.
 
Era Via Ferrata cònste de dus trams: eth tram inferior de 250 m de longada e eth superior de 200 m. Ena part nauta deth prumèr tram i a installat un pònt tibetan d’uns 15 m de longada.
 
 
S’an realizat trebalhs verticaus de limpiesa, sanejament e adequacion dera ròca atau coma era installacion totau des gradons deth tram inferior e uns 150 m deth tram superior.
 

Coma trebalhs complementaris s’a recuperat eth camin de Soberpera des dera pista de Portet enquiath rompent cap ara part superiora dera ferrata e era recuperacion der accès a pè dera via.

 

 
Liéger mès...
 
Eth Conselh de Govèrn deth Conselh Generau d’Aran s’amasse per prumèr còp en aguesta naua legislatura
Dijaus, 07 de Junhsèga de 2011

Eth conselhèr Luís Carlos Medina

 

Eth Conselh de Govèrn deth Conselh Generau d’Aran s’a amassat per prumèr còp en aguesta legislatura ena sedença deth Conselh Generau.
 

Entre es acòrds s’instarà as servicis d’Intervencion deth Conselh amassa damb era Conselheria d’Administracion Publica e Finances era revision deth pressupòst deth Conselh Generau entar 2011 entà adaptar-lo as temps de crisi que patissen es administracions.

 
“Èster ua administracion seriosa e responsabla ei era volentat d’aguest nau equip de govèrn” a rebrembat eth conselhèr Luís Carlos Medina.
Liéger mès...
 
Intervencion d’urgéncia deth Conselh Generau ena Lana de Bagergue
Dijaus, 07 de Junhsèga de 2011

 

 

Eth Conselh Generau d’Aran, per miei dera empresa de Servicis Ambientaus dera Val d’Aran (SAVA S.L), a realizat pendent aguesta setmana trebalhs d’urgéncia ena Lana de Bagergue: ena còlhada de Varradòs e era pista d’accès as Mines de Liat a causa des darrères plujes.
 
“Aguesta actuacion permeterà mantier en condicions d’accessibilitat aguesti camins forestaus dera Lana de Bagergue peth quau i passen abituauments es pastors damb es ramats atau coma excursionistes” a remercat eth conselhèr José Enrique Arró.
Liéger mès...
 
Romieuatge dera Mair de Diu de Montgarri
Dijaus, 07 de Junhsèga de 2011

 

 

Eth passat dissabte, dia 2 de junhsèga en Santuari dera Mair de Diu de Montgarri se celebrèc eth tradicionau romieuatge en aunor ara Mair de Diu de Montgarri damb mès de dues mil persones.
 
Enguan era missa siguec oficiada per Mons. Joan-Enric Vives, Arquevesque d’Urgell e compdèc damb era preséncia des conselhèrs Marcos Viló e Eduardo Valdecantos e der alcalde de Naut Aran, César Ruíz- Canela.
 
 
Eth Sindic d’Aran s’amassarà damb eth President dera Generalitat eth pròplèu dia 21 de junhsèga
Deluns, 04 de Junhsèga de 2011

 

Eth Sindic d’Aran, Carlos Barrera, s’amassarà eth dia 21 de junhsèga de 2011 damb el Plan Aunorable President dera Generalitat de Catalunya, Artur Mas en Palau dera Generalitat

 
En aguesta amassada eth Sindic d’Aran expausarà ath President es efèctes qu’era grèu crisi economica està causant en Aran, en tot cercar mesures de supòrt conjuntes qu’ajuden ara creacion d’aucupacion en Aran atau coma de supòrt as empresaris e autonòms aranesi.
 
En aute orde de causes, eth Sindic d’Aran demanarà “era revision deth convèni de finançament des competéncies transferides e de politiques pròpies deth Conselh Generau entà poder garantir era qualitat des servicis qu’amie a tèrme era administracion aranesa, e sustot des servicis de benéster e salut”.

 
Liéger mès...
 
Mès...
<< Inici < Anterior 1 2 Següent > Finau >>

Resultadi 1 - 10 de 18