Andecha Astur píde-y al Alcalde L.lena que cellebre’l 25 mayu igual que lo fizo col 14 d’abril 

La organización política Andecha Astur ta acabante d’empobinar un escritu al Alcalde L.lena pa pidí-y que, teniendo’n cuenta la so afición por festexar determinaes feches que pueden tener dalgún significáu sólo pa una parte de los vecinos d’esti conceyu, comu yá amosare’l pasáu 14 d’abril cuandu, por mor del aniversariu de la proclamación de la Segunda República española, cellebró’l mentáu acontecimientu col izáu de la bandera española republicana na Casa Conceyu nun actu que tuvo acompañáu incluso por música de gaita, faga lo mesmo n’otres feches significatives pa tolos asturianos, comu’l prósimu 25 mayu, díi nel que se conmemora la Declaración de Soberanía de la Xunta Xeneral d’Asturies llevada a cabu en 1808.

Énte l’anunciu de que la candidatura de la UNA a les elleiciones europées, pudiere ser impugnada pola Fiscalía Xeneral del Estáu por mor de la presentación de 22 avales de cargos rellacionaos con ANV, Andecha Astur quier manifestar lo que vien darréu:

La Xunta Ellectoral Central proclamó ayeri la candidatura presentada por Andecha Astur a les elleiciones europées. La llista d'Andecha Astur compónenla 55 asturianos y asturianes.

Mario Arbesú, Arturu Xosé Bermeyu y Paloma García ocupen los primeros puestos d’una llista qu’integren 55 asturianos y asturianes.

Andecha Astur presentó la so candidatura a les elleiciones europées del 7 de xunu esti llunes tres la decisión unánime del Conceyu Xeneral Estraordinariu que la formación nacionalista asturiana cellebró esti sábadu pasáu. Mario Arbesú* foi escoyíu primer candidatu por unanimidá. Los siguientes puestos de la llista ocúpenlos los tamién trabayadores Arturu Xosé Bermeyu  y Paloma García.

La llista al Parllamentu Européu d’Andecha Astur confórmenla un total de 55 asturianos y asturianes ente los qu’alcontramos trabayadores, estudiantes, “llendes urbanes”, persones desemplegaes, autónomos,… y una bona representación de persones del ámbitu sindical, cultural, social… conformando una candidatura plural y comprometía.

La organización política renovó los sos cargos resultando escoyíu Paulo Arboleya como Secretariu Xeneral y decidió presentáse en solitariu a les elleiciones europées.

Andecha Astur cellebró esti sábadu 2 de mayu un Conceyu Xeneral Estraordinariu en Noreña. Nel CXE, tres ser aprobáu’l por unanimidá’l llistáu de militancia y el procesu  siguíu nos últimos meses pol Secretariu Xeneral pa la so ellaboración, los y les militantes renovaron democraticamente los cargos internos.

Pretende con ello poner fin a la ceremonia de la confusión que ta xenerando l’Autoridá Portuaria y el Gobiernu del «Principado». Na so interpelación a la Comisión Europea Andecha Astur destaca que la Oficina Antifraude (OLAF) tien presentada una denuncia suya pendiente de resolución. 

Énte la continua realización de declaraciones de l’Autoridá Portuaria y el Gobiernu d’Areces pretendiendo xenerar falses espectatives al respective la financiación europea d’El Musel, al tiempu qu’oculten la so responsabilidá na nefasta xestión económica de la mesma, Andecha Astur acaba de presentar énte la CE, al través de la Coalición Europa de los Pueblos de la que Andecha forma parte por Asturies, una entrunta directa pa saber si finalmente la Comisión aprobará o non dalgún tipu de financiación pal sobrecoste de la obra d’El Musel con cargu al Fondu de Cohesión pal periodu 2007-2013.

Andecha Astur tien denunciáu'l casu énte la oficina antifraude de la Xunión Europea al través del so eurodiputáu d’Europa de los Pueblos.

Andecha Astur una vez conocíu l’informe de la Direición Xeneral de Mercáu Interior de la Comisión Europea (CE) que conclúi que la tramitación del sobrecoste del superpuertu xixonés ye illegal yá que vulnera les previsiones llegales de la reglamentación pola que se rixe la concesión de los fondos de cohesión comunitarios, espera que la Oficina Antifraude axilice’l so posicionamientu énte la denuncia interpuesta por Andecha Astur y tome cartes nel asuntu ya que l’informe demuestra l’intentu de pidir fondos illegalmente, por parte del gobierno d’Areces.

En Prensa: Roces lamenta la pérdida porque "saldrá del bolso de los asturianos" (LVA- 05-04-09) ; Los Verdes acusan al PSOE y al PP de «querer alimentar el despilfarro en el Puerto» (LNE- 05-04-09)