Dientro de los actos del XII Día d’Andecha, la organización nacionaliega entamó l’actu políticu nel polideprotivu de L’Atalaya que foi’l primer acti importante na campaña ellectoral d’Andecha Astur. L’actu presentólu Daniel  Cueli ya intervinieron Marcos Menéndez de la organización xuvenil  Darréu, Iván Martínez voceru d’Andecha Astur Ribeseya y Mario Arbesú candidatu d'Andecha Astur a les elleiciones Europées 2009 del prósimu 7 de xunu.

Daniel Cueli presentó l’actu y na introducción desplicó’l sentíu del Día d’Andecha como recuerdu de la declaración de Soberanía del 25 mayu de 1808 y como’l día de la organización. Cueli, na so introiducción, fexo mención al cambeu xeneracional nes responsabilidaes de la organización y homenaxeó a los qu’entamaron va 18 años col proyectu políticu que representa Andecha. Daniel Cueli desplicó tamién el por qué de facer esti añu el Día d’Andecha nel oriente d’Asturies, “Asturies ye tol país y non namás el centru, Andecha Astur tien un proyeutu nacional p’Asturies, pa toa Asturies” y en Ribeseya en particular “ye un reconocimientu de la organización al bon trabayu desendolcáu pol Conceyu d’Andecha demientres estos años y a la militancia nel oriente d’Asturies”  desplicó. 

Andecha Astur cellebró esti sábadu 23 el XII Día d’Andecha nel conceyu Ribeseya qu'esti añu convirtióse nel primer actu ellectoral de la organización ncionaliega.

Una xornada enllena d’actos nos que participaron unes doscientes persones. Ribeseya foi engalonada pa la ocasión, con pancartes vindicatives y llogotipos d’Andecha Astur abondo en faroles de la villa.

En prensa: Diferentes actividades musicales y culturales con motivo del día de Andecha en Ribadesella (EC 23/05/09) , Andecha celebra su día en Ribadesella con una jornada dedicada a la asturianía (EC 24/05/09), Andecha Astur conmemora mañana la declaración de soberanía de la ... (RTPA 22/05/09) , GALERÍA DE SEMEYES (Infoasturies.net)

La campaña entama a les 00:00 del vienres 22 de mayu. Andecha Astur entama la campaña con pegaes decartelos en delles llocalidaes del país demientres tol día. El sábadu l'actu central d'apertura de campaña ta incluyíu dientro de los actos d'Andecha Astur pal XII DIA D'ANDECHA que se va desendolcar en Ribeseya.

Andecha Astur ye una organización política asturiana, d'izquierda y nacionalista. Nos últimos 5 años venimos trabayemos n’Europa, al traviés del nuesu eurodiputáu, problematiques asturianes abondo como’l sobrecoste del musel, la ZALIA, cuestiones ambientales, culturales… y nestes elleiciones del 7 de xunu presentamos la nuesa candidatura al Parllamentu Europeu ufriendo una opción asturiana a tolos asturianos y asturianes que residen nel estáu español.

Queda n’evidencia la impunidá de los atentaos escontra’l Padrimoniu Hestóricu y Etnográficu asturianu.

• Con asombrosa celeridá, y ensin habese prauticao toles diligencias solicitaes, el xuez alcuerda’l sobroseimientu provisional. Andecha Astur estudia apelar la decisión xudical. 

La decisión xudicial de declarar el sobroseimientu provisional de la denuncia presentada por Andecha Astur cola xida del espoliu de los horros de San Andrés, ensin llegar a rializar más dilixencies que solicitar un informe al SEPRONA (???) y a la empresa responsable de los fechos (ZALIA S.A.) ensin molestase en recaber información al Ayuntamientu Xixón nin a l’Asociación de Vecinos de San Andrés, pon n’evidencia la impunidá dafechu de la que gocien los atentaos escontra’l Padrimoniu Hestóriu y Etnográficu asturianu, por muncha que seya l’allarma social xenerada.

• En prensa: Andecha apelará el archivo de su denuncia (EC 22/05/09)

La organización política Andecha Astur quier, al traviés d’esti comunicáu, amosar el so preste pol determín del Ayuntamientu L.lena d’aprebar una partía presupuestaria empobinada a la construcción, na capital del conceyu, d’una piscina al aire llibre al llau de la climatizada. Sicasí, la crítica que se fae al Gobiernu municipal ye que cuandu Andecha Astur presentó va dellos meses esa propuesta foi escaecía darréu, comu pasa con casi toles qu’esta organización política-y tresllada al traviés del Rexistru Municipal, y nun foi fasta agora cuandu, a instancies del Partíu Popular, aprobóse destinar la cantidá de 200 mil euros a esi fin.

Esti próximu sábadu 23 de mayu cellebramos una nueva edición del "Día d'Andecha" que nesti añu llega a la so XII edición y que s'entama en Ribeseya.

El día d'Andecha ye la nuesa conmemoración de la declaración de soberanía de la Xunta Xeneral el 25 mayu de 1808, que cellebramos el sábadu más cercanu a esta fechacoincidiendo sti añu el sábadu 23 de mayu.

Descensu vindicativu del ríu Seya, partía de bolos y taller de cuatreada, pasucais de gaiteros, espicha con música del país, mitín y conciertu son les actividaes programaes nesti XII Día d'Andecha.

Andecha Astur asoleyó ayeri de tarde un comunicáu de prensa solidarizándomos colos trabayadores enzarraos en Naval Xixón y censurando l'asaltu policial al astilleru ordenáu por Antonio Trevín, Delegáu del gobiernu español n'Asturies.

Los trabayadores  resisten enzarraos en demanda de garantíes sobre la situación de les persones afectaes pol zarru de la empresa, previstu pal últimu día d’esti mes.

Andecha Astur píde-y al Alcalde L.lena que cellebre’l 25 mayu igual que lo fizo col 14 d’abril 

La organización política Andecha Astur ta acabante d’empobinar un escritu al Alcalde L.lena pa pidí-y que, teniendo’n cuenta la so afición por festexar determinaes feches que pueden tener dalgún significáu sólo pa una parte de los vecinos d’esti conceyu, comu yá amosare’l pasáu 14 d’abril cuandu, por mor del aniversariu de la proclamación de la Segunda República española, cellebró’l mentáu acontecimientu col izáu de la bandera española republicana na Casa Conceyu nun actu que tuvo acompañáu incluso por música de gaita, faga lo mesmo n’otres feches significatives pa tolos asturianos, comu’l prósimu 25 mayu, díi nel que se conmemora la Declaración de Soberanía de la Xunta Xeneral d’Asturies llevada a cabu en 1808.

Énte l’anunciu de que la candidatura de la UNA a les elleiciones europées, pudiere ser impugnada pola Fiscalía Xeneral del Estáu por mor de la presentación de 22 avales de cargos rellacionaos con ANV, Andecha Astur quier manifestar lo que vien darréu: