Esta fin de selmana’l Tinitón Areces tuvo delles inauguraciones perimportantes dientro la campaña ellectoral: el superpuertu d’El Musel en Xixón el sábadu y el nuevu Hospital central n’Uviéu’l domingu. El presidentón tamién tuvo saldando a ciudadanos y ciudanes nel paséu de San Llorienzu esti sábadu.

• En prensa: Galería de semeyes (InfoAsturies.net);
  La TPA censuró'l actu d'Andecha Astur.

Esta mañana Andecha Astur, Darréu y PCPE-Asturies dieron una rueda prensa conxunta pa denunciar la persecución política corquestada que carecemos estes organizaciones nel Conceyu de Llangréu, gobernáu pol PSOE, dende va años y que se fai más dura entovía en campaña ellectoral.

Voceros de les organizaciones denunciaron les multes y sanciones que venimos suriendo, los correos amenazantes, l'acosu personal y amenaces a domiciliu a militantes, ensin escaecer la impunidá ya hipocresía de PSOE pa coles sos propies normes de "Llimpieza" .

• En prensa: Críticas en Langreo de los partidos minoritarios (LVA 02-06-09)

Tinitón entra en campaña

Esta fin de selmana entamamos dellos actos ellectorales nos que va entrar en campaña'l famosu "Tinitón Areces".

Tinitón tien una axenda apretada con dos inauguraciones y una visita a trabayadores en conflictu. Aisna'l sábadu "Tinitón" presidirá l'actu de inaugurción del Superpuertu de El Musel en Xixón pela mañana y pela tarde toca-y visita a los trabayadores de Vesubius en Llangréu que tan enzarraos na fábrica. El domingu ye'l turnu d'una nueva inauguración, especialidá de Tinitón,  nesti casu la inauguración del nuevu Hospital Universitariu Central d'Asturies (HUCA).

Xuntos denunciemos la situación predemocrática que sufren los ciudadanos y ciudanes d'esti estáu.

Andecha Astur y la oganización de mocedá "Darréu" participemos, ayeri 27 de mayu, nuna rueda prensa que se desendolcó na Casa Sindical de Xixón cola denunciar la llei de partíos. Nel actu participaron tamién participaron otros coleutivos asturianos como FUSOA, Local Cambalache, Picu Rabicu, Cordinadora Antifacista d'Asturies,  Grupu d'apoyu a Iniciativa Internacionalista o L'Arcu la Vieya.

Andecha Astur cellebra mañana miércoles 27 de mayu en Xixón un actu ellectoral nel Llar d'Andecha (Prendes Pando, 11,baxu).

• En prensa:  Acto de campaña de Andecha Astur en Gijón (LNE 27/05/09) ,

Dientro de los actos del XII Día d’Andecha, la organización nacionaliega entamó l’actu políticu nel polideprotivu de L’Atalaya que foi’l primer acti importante na campaña ellectoral d’Andecha Astur. L’actu presentólu Daniel  Cueli ya intervinieron Marcos Menéndez de la organización xuvenil  Darréu, Iván Martínez voceru d’Andecha Astur Ribeseya y Mario Arbesú candidatu d'Andecha Astur a les elleiciones Europées 2009 del prósimu 7 de xunu.

Daniel Cueli presentó l’actu y na introducción desplicó’l sentíu del Día d’Andecha como recuerdu de la declaración de Soberanía del 25 mayu de 1808 y como’l día de la organización. Cueli, na so introiducción, fexo mención al cambeu xeneracional nes responsabilidaes de la organización y homenaxeó a los qu’entamaron va 18 años col proyectu políticu que representa Andecha. Daniel Cueli desplicó tamién el por qué de facer esti añu el Día d’Andecha nel oriente d’Asturies, “Asturies ye tol país y non namás el centru, Andecha Astur tien un proyeutu nacional p’Asturies, pa toa Asturies” y en Ribeseya en particular “ye un reconocimientu de la organización al bon trabayu desendolcáu pol Conceyu d’Andecha demientres estos años y a la militancia nel oriente d’Asturies”  desplicó. 

Andecha Astur cellebró esti sábadu 23 el XII Día d’Andecha nel conceyu Ribeseya qu'esti añu convirtióse nel primer actu ellectoral de la organización ncionaliega.

Una xornada enllena d’actos nos que participaron unes doscientes persones. Ribeseya foi engalonada pa la ocasión, con pancartes vindicatives y llogotipos d’Andecha Astur abondo en faroles de la villa.

En prensa: Diferentes actividades musicales y culturales con motivo del día de Andecha en Ribadesella (EC 23/05/09) , Andecha celebra su día en Ribadesella con una jornada dedicada a la asturianía (EC 24/05/09), Andecha Astur conmemora mañana la declaración de soberanía de la ... (RTPA 22/05/09) , GALERÍA DE SEMEYES (Infoasturies.net)